Ганзейскі парламент Нямеччыны працягне супрацу з Беларуссю
Санкцыі ЕС супраць афіцыйнага Мінску не перашкодзяць супрацоўніцтву, заявіў кіраўнік Ганзейскага парламента Юрген Хогефорстэр.
Ён нагадаў, што Ганзейскі парламент створаны ў 1994 годзе ў Гамбургу. Ён аб'ядноўвае ўрадавыя і грамадскія арганізацыі, гандлёва-прамысловыя і рамесныя палаты, ВНУ краін ЕС. Арганізацыя прадстаўляе інтарэсы малых і сярэдніх прадпрымальнікаў.
Па словах прадстаўніка Ганзейскага парламента, якія перадае БелаПАН, у сітуацыі, калі супраць Беларусі ўводзяцца санкцыі, асабліва важна актывізаваць кааперацыю з краінай, развіваць сумесныя праграмы. Хогефорстэр таксама адзначыў, што паўнавартаснае ўяўленне пра краіну могуць скласці толькі тыя грамадзяне Нямеччыны, якія наведваюць Беларусь асабіста.
