Гомельскага рабаўніка выдаў пах шкарпэтак
А трэцяй гадзіне ночы праз адчыненае акно ў адну з гомельскіх кватэр, размешчаную на першым паверсе, забраўся злодзей.
Каб нячутна хадзіць па кватэры ён зняў абутак і непрыкметна абшукаў пакой, дзе спаў гаспадар. Калі злодзей увайшоў у іншы пакой, у якім адпачывала жонка, тая адчула непрыемны пах і прачнулася. Жанчына паклікала мужа, які адразу зарыентаваўся і затрымаў маладога чалавека.
Злодзей апынуўся наркаманам, паведамляе газета “Гомельская праўда”.
