Гомельская пракуратура выкрыла фальшэрства міліцыі
Канстанцін Балуеў, раней асуджаны за збыт наркотыкаў па крымінальнай справе, сфальсіфікаванай міліцыянтамі, цалкам апраўданы.
Рашэнне прызнаць маладога чалавека невінаватым і цалкам апраўдаць прыняў 25 ліпеня суддзя суда Чыгуначнага раёна Гомеля Алег Шапіра. Абвінавачаны быў вызвалены ў зале суда, паведамляе БелаПАН.
Тое, што справа была сфальшаваная міліцыяй, ўстанавіла пракуратура. У маі 2011 года прэзідыум абласнога суда прысуд у дачыненні да Балуева адмяніў, а справу накіраваў на новае судовае разбіральніцтва.
