Грамадзянства ЗША могуць атрымаць 11 мільёнаў "нелегалаў"
Міжпартыйная група з васьмі амерыканскіх сенатараў апублікавала план кардынальнай рэформы іміграцыйнай сістэмы ЗША.
Згодна з планам, 11 мільёнаў незарэгістраваных імігрантаў, якія пражываюць у ЗША, змогуць атрымаць грамадзянства. Аднак будзе гэта пры ўмове, што адначасова стане больш жорсткім памежны кантроль.
Сенатары выступілі з прапановай за дзень да таго, як прэзідэнт Барак Абама павінен быў апублікаваць уласны план рэформы , адзначае ВВС.
Рэформа сенатараў плануе надаць статус сталага пражывання, а затым і поўнага грамадзянства для нелегальных імігрантаў, якія ўжо знаходзяцца ў краіне.
Шматлікія кансерватыўныя заканадаўцы назвалі такі шлях легалізацыі незарэгістраваных імігрантаў "амністыяй" для парушальнікаў закона.
