Інтэрнаўты патрабуюць аднавіць Бабруйскую вобласць
У Сеціве з 7 жніўня працуе адмысловы інтэрнэт-сайт.
На ім можна прагаласаваць за стварэнне Бабруйскай вобласці.
На галоўнай старонцы сайта буйнымі літарамі змешчанае патрабаванне да ўладаў "Вярніце Бабруйскую вобласць!". Тут жа можна аддаць свой голас у падтрымку гэтай ініцыятывы ці абмеркаваць ідэю на форуме.
Як паказала апытанне ў кам'юніці livebabruisk, з 932 апытаных 400 (43%) лічаць, што Бабруйск стане абласным цэнтрам да 2050 года.
Нагадаем, Бабруйская вобласць існавала ў складзе БССР з 20 верасня 1944 года. Яна была створаная з частак Мінскай, Магілёўскай і Палескай абласцей. 8 студзеня 1954 года Указам Прэзідыўма Вярхоўнага Савета СССР была размеркаваная паміж Магілёўскай, Мінскай і Гомельскай.
