Ірландыя амніставала 5 тысяч "дэзертыраў"
Пад амністыю трапілі былыя салдаты, якія без дазволу пакінулі шэрагі войска гэтай нейтральнай краіны падчас Другой сусветнай вайны.
Яны адправіліся ваяваць за Брытанію супраць нацысцкай Нямеччыны.
Міністр абароны Ірландыі Алан Шатэр заявіў, што гэтыя салдаты адыгралі важную ролю ў абароне свабоды і дэмакратыі. Ён папрасіў прабачэння за тое, як з імі абыходзіліся пасля вайны.
Як паведамляе ВВС, гэтых салдатаў залічылі ў дэзертыры і занеслі ў чорныя спісы. Гэта азначала дыскрымінацыю ў розных сферах: у прыватнасці, ім нельга было працаваць у дзяржаўных установах і атрымліваць вайсковую пенсію.
Фота — bigpicture.ru
