Казахстан паўдзельнічае ў беларускай прыватызацыі
Пра гэта заявіў 24 траўня прэзідэнт Казахстану Нурсултан Назарбаеў па выніках сустрэчы з Аляксандрам Лукашэнкам.
Казахстанскі лідэр лічыць, у што ў Беларусі добра развітая перапрацоўчая прамысловасць. Сумеснымі намаганнямі можна забяспечыць узаемавыгаднае супрацоўніцтва. Казахаў цікавіць машынабудаванне, хімічная прамысловасць, нафтаперапрацоўка і сельская гаспадарка.
У прыватнасці, гаворка ідзе пра інвестыцыі Казахстану ў прадпрыемства “Інтэграл”. Беларускі кіраўнік заявіў, што бліжэйшым часам будзе прынятае адпаведнае рашэнне, паведамляе REGNUM.
