Кіпр і ЕС папярэдне дамовіліся пра план дапамогі
Дамова прадугледжвае ўвядзенне высокага падатку на банкаўскія ўклады на суму больш за 100 тысяч еўра.
Пра гэта дамовіліся прэзідэнт Кіпра Нікас Анастасіядзіс і кіраўніцтва Еўрасаюза, каб прадухіліць банкаўскі калапс у краіне. У той жа час некаторыя пытанні пакуль застаюцца нявырашанымі, адзначае ВВС.
Нагадаем, што Еўрасаюз і МВФ збіраюцца вылучыць Кіпру крэдыт на 10 мільярдаў еўра. Аднак для гэтага ўрад Кіпра павінен самастойна знайсці яшчэ 5,8 мільярда еўра.
Фота — ru.euronews.com
