Колькасць ахвяраў на “Булгарыі” ужо 48 чалавек
Целы столькіх людзей па апошніх звестках узнялі па паверхню вадалазы.
Па афіцыйнай інфармацыі МНС Татарстану, уратавалася 79 чалавек. Раней паведамлялася пра 80 чалавек, аднак выявілася, што адзін з пасажыраў проста не сеў на цеплаход.
Дзвюхпалубны цеплаход “Булгарыя”, пабудаваны яшчэ ў 1955 годзе ў Чэхаславакіі, затануў на рацэ Волга ў нядзелю ў часе навальніцы. Судна ішло з горада Баўгар у Казань. Усяго на борце знаходзілася 208 чалавек, у тым ліку 25 незарэгістраваных, паведамляе РИА Новости.
На “Булгарыі” былі таксама двое беларусаў. Адзін уратаваны, другога пакуль шукаюць.
