Лідэра бабруйскіх сацыял-дэмакратаў дапытаюць у КДБ
Сёння яму на працу прынеслі позву.
На допыт у КДБ запрасілі лідэра бабруйскіх сацыял-дэмакратаў Юрыя Грынявецкага. Позву яму на працу сёння прынёс супрацоўнік КДБ і выдаў пад роспіс.
Паводле дакумента, актывіст мусіць з’явіцца ў КДБ да следчага сёння а 16-й гадзіне. Юрый адзначае, што ў позве не пазначаны ягоны статус. Лідэр бабруйскіх сацыял-дэмакратаў мяркуе, што выклік звязаны з яго палітычнай дзейнасцю.
