Лецішчы пад Баранавічамі пабудавалі на палігоне
“Стой! Страляюць. Праезд і праход забаронены”. Такая шыльда з’явілася перад уездам у пасёлак дачнікаў каля вёскі Тартакі ў Баранавіцкім раёне.
Ад лецішчаў да шыльды — прыблізна 150 метраў. Дачнікі ў шоку ад такой навінкі.
Як выявілася, і лясны масіў, і рэчка Дзеравянка, што працякае адразу за слупом з надпісам, трапляюць пад уладанні Абуз-Ляснянскага ваеннага палігона. Шыльда з'явілася акурат паводле распараджэння вайскоўцаў.
Пра людзей, якія з дзятвой прыязджаюць у гэтыя мясціны адпачываць на свае лецішчы, хутчэй за ўсё не падумалі.
Фота — wet.tut.su
