Лекары чакаюць эпідэмію грыпу ў студзені
Аднак па словах загадчыцы эпідэміялагічнага аддзела мінскага цэнтра гігіены і эпідэміялогіі Алены Фісенка, уздым захворвання не будзе інтэнсіўным.
Фісенка: "Улічваючы, што сёлета сапраўды беспрэцэдэнтна высокі ўзровень ахопу прафілактычнымі прышчэпкамі, варта меркаваць, што эпідэмічны ўздым захворвання будзе не інтэнсіўным".
Акрамя таго, пераважаць у гэтым сезоне будуць традыцыйныя штамы віруса грыпу, на які ўжо хварэлі беларусы. Таму ў большасці людзей імунітэт захоўвае памяць аб гэтых інфекцыях, таму па сіле эпідэмія абяцае быць сярэдняй.
