Лётчыкі атрымалі ўзнагароды за тое, што парушылі загад
Ордэн “За асабістую мужнасць”атрымаў Юры Пыжык, падпалкоўнік 61-й авіябазы ў Баранавічах. Яго калега па “борце”, капітан Аляксандр Плотка, узнагароджаны медалём “За адвагу”.
Так адзначылі лётчыкаў за тое, што яны ўратавалі самалёт.
Узнагароды шукалі герояў амаль паўгода.У кастрычніку мінулага года падчас палёту на адным са знішчальнікаў узніклі сур’езныя збоі ў сістэме кіравання. Кіраўнік палётаў, выслухаўшы даклад з самалёта і пераканаўшыся, што жыццё пілотаў у небяспецы, даў ім загад катапультавацца. Аднак лётчыкі прынялі сваё рашэнне і ўрэшце змаглі пасадзіць знішчальнік на аэрадроме.
