Лукашэнка: у Лондане быў правал, але не катастрофа (відэа)
У пятніцу праходзіць Алімпійскі сход Нацыянальнага алімпійскага камітэта.
На ім ідзе гаворка пра выступленне беларускіх спартсменаў на Алімпійскіх гульнях у Лондане, будуць разгледжаныя і кадравыя пытанні.
Адкрываючы Алімпійскі сход, Аляксандр Лукашэнка адзначыў, што ў Лондане "быў правал, але не катастрофа".
"Я, вядома, далёкі ад таго, каб абвінавачваць толькі прысутных тут чыноўнікаў ад спорту, членаў Алімпійскага камітэту, выканкаму, — цытуе словы Лукашэнкі БЕЛТА. — Вядома ж, найперш віна ляжыць на прэзідэнце краіны, не толькі алімпійскага камітэта".
Нагадаем, у неафіцыйным медалёвым заліку ў Лондане Беларусь заняла 23-е месца (па колькасці ўзнагародаў — 18-е). На рахунку нашых спартоўцаў 13 медалёў — тры залатыя, пяць срэбраных і пяць бронзавых. Задачу заваявання 25 медалёў яны не выканалі.
Міністр спорту: некаторыя беларускія алімпійцы займаліся сабатажам
Вынікі расследавання: прэпарат Астапчук падсыпаў... трэнер Яфімаў
