Мабільная сувязь у Беларусі можа падаражэць
Падвышэнне тарыфаў на сотавую сувязь у Беларусі не выключанае пры адпаведных умовах, заявіў сёння гендырэктар СААТ "МТС" Уладзімір Карповіч.
Гендырэктар удакладніў, што кампанія МТС падпісала пагадненне з Міністэрствам эканомікі, якое сцвярджае парадак коштаўтварэння на паслугі сотавай сувязі. Гэты дакумент дае магчымасць беларускаму аператару змяняць тарыфы, аднак пакуль аператар не праводзіў перамовы па гэтым пытанні з прадстаўнікамі Мінэканомікі, перадае БЕЛТА.
