MediaBarCamp 2013 збірае медыя-актывістаў
У гэтым годзе на канферэнцыі будуць высвятляць, як выжыць беларускаму Інтэрнэт-выданню.
Шосты міжнародны MediaBarCamp адбудзецца ў Літве 9-12 траўня. Галоўнай мэтай чарговага MediaBarCamp будзе абмен досведам па пытаннях выкарыстання Інтэрнэта для праектаў розных форм. Удзельнікі абмяркуюць пытанні пошуку ды арганізацыі фінансавання ўласных праектаў, супрацы з рэкламнымі агенцтвамі.
Канферэнцыя ладзіцца ў Літве з 2008 года. Організатарам MediaBarCamp з'яўляецца Swedish International Liberal Centre (SILC).
Каб стаць удзельнікам MediaBarCamp 2013 трэба зарэгістравацца на сайце, ды прыкласці спасылку на прэзентацыю уласнага медыя-праекта.
