Мінск наведае нямецкі ўпаўнаважаны па правах чалавека
Упаўнаважаны федэральнага ўраду Германіі па правах чалавека і гуманітарнай дапамозе Маркус Лёнінг 14-15 студзеня наведае Мінск
перадае БелаПАН са спасылкай на паведамленне прэс-службы амбасады Германіі.
Нагодай для візіта з'яўляюцца падзеі, што адбыліся ў Беларусі пасля прэзідэнцкіх выбараў, у тым ліку арышты апазіцыянераў.
"Упаўнаважаны па правах чалавека сустрэнецца ў Мінску з прадстаўнікамі апазіцыі, сваякамі арыштаваных крытыкаў рэжыму, а таксама з прадстаўнікамі ўраду", — адзначаецца ў паведамленні.
