Мінюст чацвёрты раз адмовіўся рэгістраваць партыю БХД
Пра гэта паведаміў міністр юстыцыі Алег Сліжэўскі 19 студзеня на калегіі Мінюста.
Паводле слоў міністра, пададзеныя на рэгістрацыю дакументы былі аформленыя няправільна. Парушэнні знайшліся ва ўстаноўчых дакументах і спісах заснавальнікаў партыі, паведамляе БелаПАН.
Варта адзначыць, што гэта ўжо чацвёртая няўдалая спроба зарэгістраваць партыю Беларуская хрысціянская дэмакратыя. Першая была прадпрынятая ў 2009 годзе, яшчэ дзве - у 2010-м. Спробы абскардзіць адмовы ў рэгістрацыі ў судзе таксама былі безвыніковымі.
