Мірны і Нестар — у фінале лонданскага турніра
16 чэрвеня пара абыграла амерыканца Эрыка Бутораца і аўстралійца Пола Хэнлі — 6:4, 6:3.
У стартавым раундзе Максім Мірны і Дэніэл Нестар былі вольныя, а матчы другога і трэцяга колаў з-за кепскага надвор’я ім давялося правесці за адзін дзень, 15 чэрвеня.
У фінале беларуска-канадскі дуэт, першы ў сусветным парным рэйтынгу сустрэнецца з амерыканцамі Майкам і Бобам Браенамі, якіх перамаглі на мінулым тыдні ў фінале “Ралан Гарос”, нагадвае БелаПАН.
