Мітынгоўцаў у Маскве ўжо болей за 50 тысяч
Людзі працягваюць ісці на плошчу Сахарава, каб далучыцца да акцыі “За справядлівыя выбары”.
Як перадае ВВС, ля металашукальнікаў на падыходах да месца акцыі стаяць чэргі. Паводле афіцыйных дадзеных, на мітынгу толькі 28 тысяч чалавек.
З прамовай выступіў сустаршыня расійскага руху “Салідарнасць” Барыс Нямцоў. Ён заявіў, што апазіцыя не верыць заявам пра палітычныя рэформы, якія прагучалі ў пасланні прэзідэнта Дзмітрыя Мядзведзева да Федэральнага сходу.
