Moody's панізіла рэйтынгі дзевяці краінаў Еўропы
Міжнароднае агенцтва Moody's панізіла пазыковыя рэйтынгі Італіі, Іспаніі, Партугаліі, Славеніі, Славакіі і Мальты.
Пагоршаны таксама прагноз па рэйтынгах крэдытаздольнасці Францыі, Брытаніі і Аўстрыі, інфармуе ВВС. Па ацэнках Moody's, гэтыя дзевяць краінаў сталі больш успрымальнымі да фінансавых і макраэканамічных рызыкаў у выніку крызісу еўразоны.
Каментуючы гэта, міністр фінансаў Вялікабрытаніі Джордж Осбарн заявіў, што яго краіне неабходна прымаць жорсткія меры бюджэтнай эканоміі.
