"Мёртвыя душы" абрабавалі цэнтр алімпійскага рэзерва
У 2005-2012 гадах было скрадзена больш за 42 мільёны рублёў (больш за 5 тысяч долараў).
Следчы камітэт распачаў крымінальную справу ў адносінах дырэктара "Мінскага гарадскога цэнтру алімпійскага рэзерву па веласіпедных відах спорту". За "крадзёж шляхам злоўжывання ўладай ці службовымі паўнамоцтвамі, здзейсненае арганізаванай групай альбо ў асабліва буйным памеры" яму пагражае да 12 гадоў зняволення з канфіскацыяй маёмасці.
Грошы былі скрадзеныя праз фіктыўнае працаўладкаванне ў штат цэнтру асобаў, якім налічваўся заробак. Аднак яны там не працавалі.
"Ежедневник" адзначае, што працягваюцца допыты па справе іншых службовых асобаў.
