На брэсцкім рэчавым рынку быў пажар
Узгаранне адбылося на рынку “Лагуна” у ноч з суботы на нядзелю.
Інфармацыя пра здарэнне на вуліцы Валгаградскай паступіла да ратавальнікаў а 23.48. На момант прыбыцця атраду МНС гарэў металічны гандлёвы павільён з жаночай вопраткай. Яго тушылі 48 хвілінаў, перадае БелаПАН са спасылкай на прэс-службу Брэсцкага абласнога ўпраўлення МНС.
Агонь знішчыў маёмасць і ўнутраную аздобу, а таксама суседні павільён. Ніхто з людзей не пацярпеў.
Прычыны пажару высвятляюцца, у першую чаргу разглядаецца версія кароткага замыкання электраправодкі.
