На Магілёўшчыне плануюць развіваць праваслаўны турызм
На Магілёўшчыне існуюць 25 экскурсійных маршрутаў. Непасрэдна рэлігійных тураў сярод іх няма. Але існуюць маршруты, якія можна назваць паломніцкімі.
Такое меркаванне выказала супрацоўніца Магілёўскага аблвыканкама Наталля Прачакова ў інтэрв'ю “Радыё Магілёў”.
Перш за ўсё, на яе думку, паломніцкія маршруты звязаныя з наведваннем праваслаўных святыняў – Свята-Успенскага Пустынскага манастыра, Баркалабаўскага манастыра, а таксама Баркалабаўскай іконы Божай маці, якая знаходзіцца ў Быхаве.
Праўда, мясцовая ўлада нават не згадвае, што на Магілёўшчыне шмат каталіцкіх і грэка-каталіцкіх святыняў.
