На Радуніцу ў Брэсце ўшанавалі памяць рэпрэсаваных
На Трышынскіх могілках каля помніку рэпрэсаваным і магілы дзеячу БНР Адаму Трыпусу адбылася паніхіда па-беларуску.
Адслужыў яе грэка-каталіцкі святар айцец Ігар. Пасьля кароткай малітвы і расповяду пра асобу Адама Трыпуса ўсе прысутныя накіраваліся ў Жабінку. Там знаходзіцца магіла Генадзя Cамойленкі, вядомага ў 90-я годы сябра БНФ і лідара дэмакратычнага руху Брэста.
