На сёння запланаваная акцыя “Стоп-бензін”

Яна пройдзе ў Мінску і абласных гарадах. Аўтааматары плануюць выехаць на цэнтральныя плошчы гарадоў на знак пратэсту супраць падвышэння коштаў на паліва. Ініцыятыва з’явілася ў сацыяльных сетках.

Каардынатар кампаніі “За аўто” Арцём Шаркоў паведаміў, што аўтааматары збіраюцца на акцыю ў 18 гадзін. Людзі збіраюцца на некаторы час спыніць рух у цэнтральных частках гарадоў.

Нагадаем, што падвышэнне коштаў на паліва адбылося ўчора. Яно стала дзясятым ад пачатку году. На гэты раз рост цэнаў склаў ад 3% да 7%.

Фота: bymedia.net