Надвор’е на 24 лютага: магчымы туман, шэрань
Пераважна хмарнае з праясненнямі надвор’е будзе ў Беларусі ў бліжэйшыя суткі.
Уначы і раніцай месцамі прагназуецца слабы туман, шэрань. На асобных участках дарог галалёдзіца. Вецер будзе паўднёва-ўсходні, 4-9 метраў за секунду, па паўднёвым захадзе парывы ветру могуць дасягаць 12 метраў за секунду.
Тэмпература паветра ўначы складзе 2-9 градусаў са знакам мінус, па паўночным усходзе пры праясненнях — мінус 10-15 градусаў. Удзень прагназуецца 2-4 градусы марозу, перадае БЕЛТА са спасылкай на Белгідрамет.
