Немцы абаранілі Берлінскі мур
Жыхары Берліну дамагліся пераносу дэмантажу найдаўжэйшага ўчастка мура ў раёне Фрыдрыхсхайн, які ў 1990-я гады ператварыўся ў мастацкую галерэю.
1 сакавіка некалькі соцень чалавек сабраліся на акцыю пратэсту і такім чынам спынілі будаўнікоў. Тыя паспелі разабраць толькі адзін блок сцяны. Далейшыя працы перанесеныя на няпэўны тэрмін.
У акцыі бралі ўдзел грамадзянскія актывісты, а таксама дзеячы мастацтва. У выніку адбыліся нязначныя сутыкненні з паліцыяй і некалькіх пратэстоўцаў затрымалі, перадаюць замежныя інфармагенцтвы.
Выдаленне 20 метраў Берлінскага мура патрэбнае для пад’езду будаўнічай тэхнікі да ракі Шпрэе, дзе будуецца элітны жылы дом.
