Новыя атручванні беларускіх дзяцей у Балгарыі
На гэты раз прычынай могуць быць кавуны.
Бацькі непакояцца аб стане здароўя дзяцей, якія цяпер адпачываюць у балгарскім лагеры "Кантыненталь" недалёка ад горада Бургас. Сімптомы кішэчнага грыпу з'явіліся ў дваццаці дзяцей – сярод іх украінцы, беларусы і расіяне, паведамляе рэсурс podrobnosti.ua.
Некаторым з пацярпелых прыйшлося выклікаць “хуткую”. Лекары дыягнастуюць ротавірусы. Адміністрацыя лагера бачыць прычыну хваробы ў нямытых руках, але на ўсякі выпадак выключыла з меню кавуны.
Нагадаем, што тыдзень таму ў Балгарыі ўжо атручваліся беларускія дзеці. Тады прычынай была няякасная вада.
