Пад Бабруйскам утварыўся 40-кіламетровы затор
У ім затрымаўся аўтобус футбольнага клуба "Гомель", які ехаў у Мінск.
У суботу ў футбольным манежы мусіць прайсці паядынак 1/4 фіналу Кубка Беларусі паміж "Гомелем" і "Мінскам".
Клубны аўтобус "Гомеля" змушана спыніўся недалёка ад Бабруйска, піша сайт football.by. Затор утварыўся з-за дарожна-транспартнага здарэння.
Дарэчы, непагадзь прымусіла перанесці час і месца кубкавага матчу між "Белшынай" і "Тарпеда-БелАЗам". Таксама адмененыя практычна ўсе сустрэчы 21-га тура чэмпіянату Беларусі па міні-футболе.
Фота — news.uvaga.by
