Паліну Шарэнда-Панасюк адпусцілі з ізалятару
Брэсцкую дэмакратычную актывістку затрымалі ўвечары 21 верасня ў часе распаўсюду “байкотных” улётак.
Сама Паліна патлумачыла: “Да суду выпусцілі. Заўтра будзе аб 11-й гадзіне. Хутчэй за ўсё, адпусцілі, каб не псаваць “карцінку”. Мабыць, і скаргі падзейнічалі”.
Са словаў Паліны Шарэнда-Панасюк , яе вінавацяць у распаўсюдзе недазволенай друкаванай прадукцыі і непадпарадкаванні міліцыі. Разам з ёй былі затрыманыя яе муж Андрэй Панасюк і яшчэ адзін мясцовы актывіст, Уладзіслаў Бароўскі. Іх адпусцілі без складання пратакола.
