Памёр лідар Паўночнай Карэі Кім Чэн Ір
Аб гэтым паведаміла дзяржаўнае тэлебачанне Паўночнай Карэі.
Як перадаюць інфармацыйныя агенцтвы, зачытанае па тэлебачанні КНДР паведамленне было "эмацыйным". Дыктар, апранутая ва ўсё чорнае, абвясціла аб тым, што Кім Чэн Ір памёр у суботу ад "фізічнага і разумовага знясілення".
Лічылася, што ў паўночнакарэйскага лідара ўжо даўно былі праблемы. Пераемнікам Кім Чэн Іра павінен стаць яго малодшы сын Кім Чэн Ун, аднак ніякіх афіцыйных заяў на гэты конт пакуль зроблена не было.
