"Партызан" шукае падтрымку ў Мінгарвыканкаме
Паводле папярэдніх звестак, сталічны футбольны клуб можа на паўгода атрымаць падтрымку ад гарадскога кіраўніцтва.
Як паведамляе "Прессбол", гендырэктар "Партызана" Людас Румбуціс атрымаў прыём у кіраўцтва спортупраўлення Мінгарвыканкама. Клуб хоча атрымаць падтрымку хаця б на паўгода, каб працягнуць пошук фундатара. Магчыма, "Партызан" спадзяецца ўсё ж пераканаць расійскі "Газпрам" у прывабнасці свайго праекта.
Нагадаем, што да 31 студзеня клуб павінен пацвердзіць удзел у будучым чэмпіянаце Беларусі.
