Плата за харчаванне дзяцей у садках павялічыцца ў паўтара раза
Прычым павелічэнне адбудзецца ўжо з 1 сакавіка.
Такое рашэнне замацаванае пастановай Савета міністраў №123, паведамляе interfax.by. Бацькі будуць пакрываць 60% ад кошту харчавання дзяцей у дзіцячых дашкольных установах. Пакуль што яны пакрываюць толькі 40% ад грашовых выдаткаў на харчаванне аднаго дашкольніка.
Такім чынам, з 1 сакавіка бацькам давядзецца выкласці ад 137 тысяч рублёў да 215 тысяч рублёў.
Апошні раз памеры аплаты за харчаванне ў дзіцячых дашкольных установах змяняліся ў 2011 годзе.
Фота — vchaspik.ua
