Прэм'ер Грэцыі нечакана вылецеў у Брусэль
Лукас Пападэмас будзе прысутнічаць на вырашальнай сустрэчы Еўрагрупы.
На ёй вырашыцца, ці атрымае Грэцыя фінансавую дапамогу ў 130 млрд еўра. Раней не планавалася, што кіраўнік грэцкага ўрада наведае саміт, адзначае РБК. У канцылярыі прэм'ера адмаўляюцца каментаваць яго паездку ў Брусэль.
Тым часам міністр эканомікі ЗША Цімаці Гайтнэр заявіў, што Амерыка будзе спрыяць Грэцыі ў яе імкненні атрымаць фінансавую дапамогу ад МВФ.
