Прысуд Раману Кісляку прызналі законным
Такое рашэнне прыняў Брэсцкі абласны суд.
Актывіст абскарджваў у абласным судзе рашэнне Ленінскага суда, паводле якога ён пакараны штрафам у 350 тысяч рублёў.
Раман Кісляк ня згодны з рашэннем абласнога суда. Ён мае намер абскарджваць прысуд у Вярхоўным судзе, паведамляе "Радыё Свабода".
Нагадаем, што актывіст быў пакараны за шэсце салідарнасці з арыштаваным праваабаронцам Алесем Бяляцкім 16 кастрычніка.
