Расія, Беларусь і Казахстан плануюць свой "шэнген"

Пра гэтыя планы распавёў журналістам намеснік міністра эканамічнага развіцця РФ Андрэй Сляпнёў, піша "Российская газета ". Агульная візавая прастора, патлумачыў ён, з'яўляецца адной з неабходных умоваў для фармавання на базе "мытнай тройкі" Адзінай эканамічнай прасторы.

За ўзор будуць узятыя прынцыпы Шэнгенскай зоны — замежнікі змогуць ўязджаць на тэрыторыю Расіі па беларускай ці казахскай візе,  альбо наадварот. Сляпнёў, праўда, не ўдакладніў, калі менавіта набудуць моц новыя правілы.