"Рэальны Брэст" абвясціў "паляванне" на нядобрасумленных даішнікаў
Партал прапануе сваім наведнікам дзяліцца фота і відэа, на якіх "даішнікі" самі парушаюць правіла дарожнага руху.
Праект атрымаў назву "Узаемазлаўленне" (Взаимопоймание) па аналогіі з акцыяй ДАІ "Узаемаразуменне". Яна мае жартаўлівы характар, і накіравана "выключна на пазітыўныя кантакты з ДАІ ды паляпшэнне культурнага жыцця на дарогах горада".
На сайце створаны адмысловы фотаальбом, дзе ўжо можна пабачыць злоўленых у аб'ектыў міліцыянтаў-"парушальнікаў".
Фота — realbrest.by
