Рух "За Свабоду" прапаноўвае правесці мясцовы рэферэндум у Брэсце
Актывісты выступяць з такой ініцыятывай, калі гарвыканкам не адмовіцца ад планаў забудаваць тэрыторыю старажытнага парку.
Са словаў брэсцкага каардынатара Руху "За Свабоду" Дзяніса Турчаняка, рэферэндум з'яўляецца важнейшым інстытутам дэмакратыі. Ён дае магчымасць грамадзянам выказаць сваю волю непасрэдна, шляхам галасавання.
На рэферэндум звычайна выносяць важныя пытанні, якія закранаюць інтарэсы насельніцтва. Няма сумненняў у тым, што лёс паркавай зоны ў цэнтры Брэста турбуе ўсіх гараджан, таксама заявіў Турчаняк.
