Рыбны кірмаш пройдзе ў Мінску
13-14 красавіка жывую рыбу з сажалак, а таксама каштоўныя пароды рыб можна будзе набыць на кірмашы “Рыба Беларусі” па цэнах вытворцаў.
Гандаль будзе праходзіць з 10.00 да 17.00 на тэрыторыі мясцовага праезду ўздоўж праспекта Партызанскага (паміж вуліцамі Бехцерава і Радыяльнай). Пакупнікам прапануюць рыбу з сажалак (карпаў, сома, шчупака, карася ды інш) і каштоўныя пароды, кшталту асятра і фарэлі, паведамляе БЕЛТА.
Наведнікаў кірмашу абяцаюць пачаставаць свежай юшкай.
