Сашу Варламаву выставілі абвінавачанне
Яго вінавацяць у крадзяжы прыкладна 700 мільёнаў рублёў. Дызайнеру пагражае да 10 гадоў зняволення.
Абвінавачванне Сашу Варламаву было выстаўлена ў суботу, 28 траўня, піша "Комсомольская правда в Беларуси". Нагадаем, 20 траўня яго затрымалі як падазронага ў перавышэнні ўлады ці службовых паўнамоцтваў. Пазней да гэтага артыкула дадаўся "крадзеж шляхам злоўжывання службовымі паўнамоцтвамі, учынены ў буйным памеры". Па гэтых двух артыкулах Варламаву ў выніку і выставілі абвінавачванне.
Другі артыкул прадугледжвае больш суровае пакаранне. Згодна з ёй дызайнер можа быць асуджаны на тэрмін ад трох да дзесяці гадоў з канфіскацыяй маёмасці.
На сённяшні дзень міліцыянты кажуць, што агульная шкода склала каля 700 мільёнаў рублёў. Шкода ў валюце пераразлічваецца на рублі па тым курсе, які існаваў у момант атрымання камандзіровачных.
