23 верасня пачынаецца астранамічная восень
Дзень асенняга раўнадзенства надыходзіць сёння а 12.05 паводле мінскага часу. Ужо з заўтрашняга дня светлы час сутак будзе меншым у параўнанні з цёмным.
З астранамічнага пункту гледжання ў гэты дзень Сонца перасякае нябесны экватар і пераходзіць з паўночнага паўшар’я ў паўднёвае. На крайняй Поўначы наступае палярная ноч, а на Паўднёвай — палярны дзень. Такім чынам, Зямля сёння стаіць вертыкальна ў дачыненні да Сонца.
З пункту гледжання астралогіі, Сонца 23 верасня пераходзіць у знак Шаляў. А ў народзе лічыцца, што гэты дзень паказвае, якой будзе ўся восень і як хутка пачнецца зіма.
