Сёння працяг суда над абвінавачанымі ў арганізацыі тэракту ў метро
Разгляд гэтай справы адбываецца ў мінскім доме правасуддзя.
На ўчорашнім паседжанні адзін з абвінавачаных Дзмітрый Канавалаў прызнаў, што здзейсніў выбух у метро. Ён таксама прызнаў за сабой тэракт у Мінску ў ноч з 3 на 4 ліпеня 2008 года. Акрамя таго, ён прызнаўся ў незаконным абыходжанні з выбуховымі рэчывамі. Усе астатнія абвінавачанні Канавалаў адрынуў.
Уладзіслаў Кавалёў прызнаў сваю віну ў выбухах з 2000 па 2002 год. Але ж ён не лічыць сябе вінаватым у віцебскіх выбухах 2005 года. Падсудны адмовіў свае паказанні, дадзеныя на папярэднім следстве, і не прызнаў укрывальніцтва дамкрата. Сваю віну ў неданясенні пра выбух 2008 года Кавалёў прызнаў. Але ён адмаўляе тое, што набыў траціл і перадаў яго Канавалаву. Таксама ён не пацвердзіў дадзеныя раней паказанні наконт тэракту ў метро.
