Сёння пройдзе развітанне з Віталём Сіліцкім
Цырымонія развітання адбудзецца з 11 да 14-й гадзіны ў рытуальнай зале ў Мінску, што на вуліцы Альшэўскага, 12.
Пытанне з месцам пахавання яшчэ вырашаецца, паведамляе "Наша ніва".
Выбітны беларускі палітолаг Віталь Сіліцкі памёр у суботу ўдзень. Ён цягам году змагаўся з анкалагічным захворваннем.
Раней паведамлялася, што палітолаг перанёс аперацыю па выдаленні паражанай ракам ныркі і праходзіў курс тэрапіі ў адной з клінік Бельгіі. Калі яго стан сур'ёзна пагоршыўся — вярнуўся ў Беларусь.
Сіліцкі на працягу доўгага часу ўзначальваў Беларускі інстытут стратэгічных даследаванняў (BISS).
