Сёння Варшава апублікуе сваю справаздачу аб катастрофе пад Смаленскам
Мяркуецца, што яна ўскладзе большую частку адказнасці за гібель прэзідэнта Качыньскага на польскі бок.
Публікацыю польскай версіі справаздачы неаднаразова адкладвалі. Упершыню яна павінна была быць агучанай яшчэ ў лютым. Рашэнне аб публікацыі ўласнай версіі катастрофы у Варшаве прынялі пасля публікацыі расійскай справаздачы. На думку афіцыйнай Варшавы, яна не была цалкам аб’ектыўнай і змяньшала ступень вінаватасці расійскіх дыспетчараў.
Нагадаем, што катастрофа здарылася 10 красавіка 2010 году пад Смаленскам. У ёй загінуў прэзідэнт Польшчы Лех Качыньскі і яшчэ амаль 90 іншых прадстаўнікоў польскай палітычнай і вайсковай эліты
