Сіноптыкі: у пятніцу чакаюцца моцныя дажджы
Яны пройдуць на большай частцы тэрыторыі краіны, уначы месцамі па Віцебскай і Магілёўскай абласцях — дажджы моцныя.
Удзень на паўночным захадзе магчымы мокры снег. У асобных раёнах згусцяцца туманы. Вецер будзе паўднёва-заходні 4-9 метраў за секунду, месцамі парывы дасягнуць 14 метраў.
Тэмпература паветра ў начныя гадзіны складзе 1-6 градусы вышэй за нуль, у дзённыя — 3-8 цяпла, на Гомельшчыне месцамі да 10 градусаў, інфармуе БЕЛТА.
Фота — bymedia.net
