Сітуацыя ў Лівіі заблытваецца
Паўстанцы другія суткі не могуць узяць рэзідэнцыю Кадафі у квартале Баб-аль-Азізія ў сталіцы краіны.
Ілжывай выявілася інфармацыя пра арышт аднаго з сыноў Кадафі — Мухамеда. Яшчэ адзін нібыта арыштаваны сын лідара Джамахірыі - Сейф аль-Іслам таксама з'явіўся перад замежнымі журналістамі ў Трыпалі.
Некаторыя расійскія афіцыйныя асобы адкрыта заяўляюць, што на баку лівійскай апазіцыі ваюе NАТО і менавіта гэтым тлумачацца апошнія поспехі паўстанцаў, перадае РІА "Новости".
Сам палкоўнік Кадафі, па паведамленнях яго сыноў, усё яшчэ знаходзіцца ў Трыпалі разам з усёй сям'ёй.
