Скабелка не выклікаў у зборную Беларусі Мезіна
Стаў вядомы спіс хакеістаў, якія выклікаюцца на мінскі збор напярэдадні алімпійскага кваліфікацыйнага турніра, які пройдзе 7-10 лютага ў Даніі.
Сапернікамі беларусаў у барацьбе за адзіную пуцёўку на Алімпіяду-2014 будуць зборныя Славеніі, Украіны і Даніі.
Як паведамляе "Прессбол", у спіс, складзены галоўным трэнерам нацыянальнай хакейнай зборнай Беларусі Андрэем Скабелкам (на здымку) і яго штабам, увайшлі прозвішча 25 гульцоў. Брамніка Андрэя Мезіна, які цяпер выступае за чалябінскі "Трактар", у іх ліку няма.
У спісе наступныя хакеісты:
брамнікі — Сцяпан Гарачэўскіх (1985, Данбас, КХЛ), Віталь Коваль (1980, Тарпеда, КХЛ), Дзмітрый Мільчакоў (1986, Металург).
абаронцы — Алег Гарошка (1989), Павел Чарнавок (1986), Уладзімір Дзянісаў (1984) (усе — Дынама Мн, КХЛ), Ілля Казнадзей, Ілля Шынкевіч (абодва — 1989, Металург), Дзмітрый Корабаў (1989, Сірак'юз, AHL), Яраслаў Масленікаў (1982), Андрэй Філічкін (1987) (абодва — Гомель), Мікалай Стасенка (1987, Северсталь, КХЛ).
нападаючыя — Сяргей Дзямагін (1986, Югра, КХЛ), Сяргей Дрозд (1990), Аляксандр Кітараў (1987), Аляксандр Кулакоў (1983), Дзмітрый Мялешка (1982), Андрэй Міхалёў (1978), Андрэй Стась (1988), (усе — Дынама Мн, КХЛ), Аляксей Калюжны (1977, Лакаматыў, КХЛ), Канстанцін Кальцоў (1981, Атлант, КХЛ), Андрэй Касціцын (1985, Трактар, КХЛ), Арцём Сянькевіч (1982, Гомель), Андрэй Сцяпанаў (1986, Амур, КХЛ), Аляксей Угараў (1985, Тарпеда, КХЛ).
Фота — hcgomel.com
