Снегапад перашкодзіў аўтамабільнаму руху ў Мінску
Прычым сіноптыкі папярэджваюць, што снег будзе ісці цэлы дзень.
Пад раніцу праезная частка сталічных вуліцаў апынулася пад снегам, які ішоў усю ноч. Як паведамляе auto.onliner.by са спасылкай на ДАІ, у кожным раёне горада працуе адна калона спецтэхнікі, агулам — дзевяць.
Заторы былі на шмат якіх вуліцах. Як інфармуюць мінчукі, напружаная сітуацыя на плошчы Незалежнасці. Ад плошчы Незалежнасці ў бок плошчы Перамогі — затор. Рух ідзе вельмі павольна. Заторы назіраюцца на вуліцы Клары Цэткін, Максіма Багдановіча, праспекце Дзяржынскага.
Каля Галоўпаштамта стаяць некалькі грузавых аўтамабіляў, задзейнічаных у вывазе снега з вуліц.
Карыстальнікі Twitter паведамляюць пра заторы на МКАД. 
Фота — auto.onliner.by
