Суд над Андрэем Пачобутам працягнецца ў пятніцу
Суд перанесены на 10 гадзінаў раніцы 17 чэрвеня. Перанос працэсу суддзя аргументаваў тым, што яму трэба ўдакладніць абвінавачанне.
Сёння былі дапытаныя эксперты, якія рабілі моўную экспертызу выказванняў Пачобута, — загадчык абласнога аддзела ідэалогіі Павел Скрабко і прэс-сакратар аддзела Віктар Жалезняковіч, а таксама загадчык кафедры рускай філалогіі Гродзенскага універсітэта Аляксей Нікіцевіч.
Абарона Пачобута заявіла на пятніцу 15 сведкаў. Па словах адвакатаў, журналіст крыху прастыў, але трымаецца ў добрым настроі.
